Tumben bedait malik kance kakenan sak aran orok-orok ne, ternyate timakn jak kakenan dengan toak laek orok-orok ne maseh maik gati. Becerite juluk sekedik, waktu no tumben ku mauk ngayo ojok balen batur sak elek mudin balek dobok aran ne, eh ternyate tetangjak kaken orok-orok. Mule jak ndq bernafsu kaken sengak ka jadul ruen kakenan ne, mare-marek coba la…la..lela,,.sesidut due sidut ngonek-ngonek buek due piring, maik gati...
Amun dengan toak laek orok-orok ne biasen kadu nyampah sedak kupi aru-aru, ntan tekaken no serut kupi sekali terus sidut orok-orok ne. dengan toak laek ndeq arak kepeng sik beli beras trus beli modeng kakenan manok no tejarian kakenan eh jadilah orok-orok. (la sengke becerite kadu base sasak ah…).Nane tekupas tuntas berembe ntan tepiak amum pade berniat, sai taok arak bae batur-batur sak kurang ujin beras molah piak orok orok jari kakenan, nane no kan jaman krisis jari ite ne harus kreatif. Dait endah orok-orok ne kakenan sak bebas bahan kimia, borak dan sejenisnya sak piak ite jari mudharat, wah no ndqn butuh pewarne makanan apelagi kadu pewarne pakean sak marak ntan dengan-dengan sak bejigar elek tivi no sak campur kakenan isik pewarne pakean no.
Mene ntan tepiak batur semeton jari senamian. Pertame siepan kakenan manok no alias modeng ato moto no ato ape wah unim sebut, terus dan juluk ye marak ntan masak nasi no ndq sampe kelebehan aik laun jarin beor (laun te bahas beor ne nggih batur-batur), na laguk anteh ye jari setengah mateng trus campuran ye sik gule beak sak wah tekelak no. inget aok ndq luek lalok gule beak laun side kencing manis. Nah amun wah jari no ndqman aken juluk (ndqm tao keradengan) laguk senduk juluk ye, ndq lupak olo’am ye sie geles geh. Nah amun wah tesenduk nike anteh juluk adekn sak ndq panas lalok sambil parut nyiur. Nah amun wah siep nyiur tinggal urap ye, jari wah orok-orok makanan sehat ala dengan toak laek. Paling maikn seda’an ye kupi sedak nyampah aru-aru. Ngkah nyampah ndaq pade tidem malik geh.
Niki juluk resep sasak, lemak tiang miak malik geh.silak batur-batur ndaq pade gengsi isik kakenan ite sak sehat dait maik niki. ampure amun arak kurang sopan.
2 komentar:
pirat yaq praktekan piaq orok orok no leq skolahan...???
Nice share
Post a Comment
Blog ini bersifat DoFollow. silahkan tinggalkan komentar yang sesuai dengan konten artikel. komentar yang tidak perlu akan kami hapus. Terima Kasih Atas Kunjungannya.